നദി
അവളരികെയിരുന്നു.
മുന്നിലൊരു നദിയൊഴുകുന്നു,
കണ്ടില്ലെന്നു നടിക്കാതെ
ഞാനുമൊഴുകി,
ഒരു മൗനം ബാക്കിവച്ച്,
അവളില് നിന്ന് അവളിലേക്ക്.
ഇടത്താവളം
ഇന്ന്
ഈയൊരു രാത്രി
നമുക്ക് വിശ്രമിക്കാം.
ഇതൊരിടത്താവളം മാത്രം.
യാത്രയുണ്ടിനിയും, ബാക്കി
യൊരുപാടു നാഴികകള്.
അറിവില്ലാത്ത മണ്ണും, കാലവും
മറന്നുപോയ മനുഷ്യരും, മരണവും
നെടുനീളെ കടലുമുണ്ടിനി മറികടക്കാന്.
ദിക്കിലേതിലുമുണ്ടായിരം വാതിലുകള്,
മുട്ടിവിളിച്ചുകരയാന്, അന്വേഷിപ്പാന്.
ഒരുപാടുണ്ടിനിയും ബാക്കി,
ഓര്ത്തതും മറന്നതുമെല്ലാം,
എന്നാലും വരൂ,
ഈയൊരു രാത്രി
നമുക്ക് വിശ്രമിക്കാം,
ആരോ ഒരുക്കിയ
ഈ ഇടത്താവളത്തില്.
ഹരി എ സുനില്,
സെന്റ് സ്റ്റീഫന്സ് കോളേജ്, ഒന്നാം വര്ഷം.
No comments:
Post a Comment