കറുപ്പ്

Ziyana Fazal,
Hans Raj College 
ziyanafazalpv@gmail.com



ഈ ജന്മത്തിന്‍റേയും, വരും ജന്മത്തിന്‍റെയും
കൈയ്യെഴുത്ത് പ്രതി അവള്‍ കുറിച്ചിട്ടത്
കറുപ്പ് നിറത്തിലാണ്.
അവള്‍ക്കേറ്റും പ്രിയപ്പെട്ട വര്‍‌ണം.

നാള്‍ ഇതുവരെ കണ്ടതില്‍,
ഏറ്റവും സുന്ദരന്‍
കറുത്തവനാണ്.

ഒന്നു വിശ്വസിക്കൂ,
സ്വന്തത്തെ എന്നും കറുപ്പില്‍ നിര്‍‌വചിച്ചിട്ടുണ്ട്
തെല്ലും അലോസരം കൂടാതെ..

അവളും സുന്ദരിയാണ്.
കറുത്ത കണ്ണ്, തലമുടി, മേനി എന്നു വേണ്ട
മനസ്സും വാക്കും വരെ കറുപ്പില്‍ സുന്ദരമല്ലേ?

കുഞ്ഞാകും മുതല്‍, ഇരുട്ടിന്‍റെ കറുപ്പിനോട്
ദേഹം പറ്റി ഉറങ്ങിയിട്ടുണ്ട്,
ഗാഡ്ഠമായി..

എന്‍റെ പ്രണയമേ,
നിന്നെ ഞാന്‍ വരച്ചതും ആ കറുപ്പിലല്ലേ?

എന്നിട്ടും, ആ നിറം അഴലോടടുത്തതാണെന്ന് പറയാന്‍?

ഇരുട്ടുമായി ഒരു ദീര്‍ഘസംഭാഷണത്തിനു ശേഷം..

വെളുപ്പ്:-

ഓരോ രാത്രിയിലും
തന്‍റെ ഉറക്കത്തിന് കാവലിരിക്കുന്ന
ഇരുട്ടിനെ
തിരിച്ചറിയാത്തിടത്തോളം കാലം,
കറുത്ത ഹൃദയമെ,
നിന്‍റെ പ്രണയത്തെ
ഞാനും തിരിച്ചറിയുകയില്ല...

പോ......!