- ഹരി
കരയരുത് നീ,
തെറ്റല്ലിത്; ജന്മങ്ങളുടെ
പ്രായശ്ചിത്തം.
ചതിക്ക് ജയമോ
ന്യായമോ ഇല്ലെന്നറിയാം,
എങ്കിലും ഈ രക്തം സ്വീകരിക്കൂ.
വിഷബാണം തറച്ച പാദത്തില്
നോക്കി കൃഷ്ണന് പറഞ്ഞു:
"നിന്നിലൂടെ ഈ യുഗം അവസാനിച്ചിരിക്കുന്നു."
***
കൃഷ്ണന് മരിച്ചു
വേടന് കണ്ണുകള് തുടച്ചു
മണ്ണില് വില്ലൂന്നിനിന്ന് ആലോചിച്ചു:
'എന്നിലൂടെ ഈ യുഗം അവസാനിച്ചിരിക്കുന്നു.'
അപ്പോള് ആരാണ് ദൈവം?
ഈ ചത്തുമലച്ചു കിടക്കുന്നവനോ,
അതോ ഞാന് തന്നെയോ?
No comments:
Post a Comment